قصائد شعبيه قديمه-قصائد شعبيه لمهرجان الجنادريه-قصائد شعبيه

قصائد شعبيه قديمه-قصائد شعبيه لمهرجان الجنادريه-قصائد شعبيه

هذه قصيدة حنا البدو للشاعر طلال السعيد اتمنى تعجبكم


وقالت بدو

صدت وقالتها بقرف

بنت الاكابر والترف
متكبره متعاليه يعني بدوي يقعد طرف
قالت بدو
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا عدد
رقم ولا اكثر بعد
يعني مجرد تكمله والا في هي اصل البلد
قالت بدو
تعني صفر على الشمال
هذا على احسن احتمال
تصدر حكم ماتلتفت تحكم ولاتترك مجال
قالت بدو
متصورتني بستحي واترك مكاني وانتحي
تفاجءت تغيرت تلعثمت
ماتدري اني بفتخر لي الفخر

حنــــــــــــــــــا بــــــــــــــدو

حنا عمى عين العدو حنا البداوة وضعنا
واهل الوفا هم ربعنا حنا نتفاخر بأصلنا يابنت هذا طبعنا
ماهي بداوة تلفزيون والا مسلسل اردني
بس بدوي بالمكريفون ولاهد سيفه ينثني
والا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل لي جيل انتقل
حنا معاني ساميه
نروي السيوف الضاميه
نلد المنايا مانهاب لو هي سعاير حاميه
حناالبدو
حنا البداوة عيدنا
ماناكل الا صيدنا
مانعيش عاله مجتمع نموت مانمد ايدنا
حنا البدو
حنا البداوة بدمنا
مانسمي احد عمنا
حتى و لو هو منهو يكون
لوهو زعل ماهمنا
حنا البدو
حنا البداوة عمرنا
محد بيصبر صبرنا
لانها مصنع رجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا حنا بدو متماسكين
وهذي نتيجه وصلنا
يابنت ياللي تضحكين
قلتي بدوي تستهزئين
غرج لباسج الاجنبي
والمشكله ماتعرفين ان البدو
اصل العرب
تبغين هالكلمه طرب
صارت نشب
ياانسه
ياعانسه
ياضايعه ومستانسه
ياتارسه وجهج صبغ ياتارسه عينج شدو
حنا البدو
ولو كان قلتيها بقرف
لنا الشرف
انا البدو
حنا بداوتنا شيم
دين وقيم
طيب وظفر
معنى كبير مااظن مثلج يعرفه
لو تدعين المعرفه
شي عسير مااظن مثلج ياصله
صعبه ولاهي حاصله
كلمه بدو
تعني التمسك بالجذور ماهو التخلف والجهل
والا بعد حب الظهور والا التنكر للاهل
كلمه بدو
تعني شمم
فعل وكرم
مبدا حضارات الامم
حنا القمم
نار على راس العلم
يشهد لنا سيف وقلم
وان جان ماعندج خبر
لنا الفخر
لو عشنا ببيوت شعر عيشه الم
عيشه فقر
عيشه تعلمنا الصبر
مانقترض لاجل السفر
ونحسب ايام الشهر
مانفترض ونعيش واقعنا بحذر
وبالضيق نرخص بالعمر
نشرب من الماي الهماج ونكحل نواظرنا بعجاج
وغسيلنا حفنه رمل
هي الدوا وهي العلاج
عيشة رضا
ماهي نكد
مافيها تعقيد ابد
ساعات مانلقى ذرى يكفي نتلحف بالنجوم وفراشنا رمل الثرى
وسراجنا نور القمر لامن ظهر
ونام من عقب العشا ونصحى قبل وقت الفجر
نؤمن بقضانا والقدر
ماهو كسل
والا نعيش بلا امل
نملك طموح
علم وامل ونرعى الابل
ونرعى الغنم
ونعزف من الونه نغم
ونتابع اخبار المطر وندور الروض الخضر
ونسري ورى برق سرى
ولانتراجع للورى
ونبحث عن المرعى العشيب
ومن شعيب الى شعيب
مانستقر
عنوانا كل الديار تجوالنا ليل ونهار
نعيش عيشه هاديه
وهذي حياه الباديه
سنة الربيع سنة دهر
ورغم الفقر
نخاف من قولة افا
ونتعب على قوله نعم
ونعيش عالين الهمم
من فضل ربي مانخون
نرعى الذمم ونركض ونتعب مانمل
ماحنا مثلج لا شغل ولا عمل
ماغير بس اكل ونوم
ومن الشحم ضاقت عباتج والهدوم
يااسمن انواع الحريم ياعايشه على الريجيم
ياانسه ياعانسه ياضايعه ومستانسه
ياتارسه وجهج صبغ ياتارسه عينج شدو
ياللي تقولين بدوي
انا بدوي ولي الفخر اني بدوي
عزمي قوي مااخون ماابوق الخوي
يبدي نهاري بالصلاة
واصارع امواج الحياة
ماضاقت الدنيا ابد
ولاني من اصحاب الحسد
ارفع ايديني للسما
واطلب من الله واستخير
مااقول يمكن ربما
والا يصير او مايصير
محافظ على الخمس الفروض واضح ولا احب الغموض
ولااتلون والتوي لاني بدوي
متمسك باصالتي ولااغير لهجتي
انا بدوي
في فزعتي وفي قومتي وبقعدتي وفي مشيتي وبجلستي و في كلمتي وبنخوتي
حتى عقالي ولبستي
لوقلتي عني فوضوي
ماضرني بالحيل يابنت بدوي
ويسرني
اعرف من انتي
ومن انا
والفرق واضح بينا
تدرين وادري من اكون ويكفينا نعرف بعضنا
انتي مثل عمر الزهور مالج عمر مالج سنين
شهرين ويجيج الجفاف وتذبلين وتصبح الوانج باهته
وانا جذوري ثابته ماخذ من الصحرا الهدو
شعر وقصائد وأهازيج حنونه كلها رقه وعفويه

الشاعرة نورة *******

ياعين هِلي صافي الدمع هليه واذا انتهى صافيه هاتي سِريبه

ياعين شوفي زرع خِلكْ وراعيه شوفي معاويده وشوفي قليبه

ان مرني بالدرب ما اقدر احاكيه مصيبه ياوي والله مصيبه

اللي يبينا عيت النفس تبغيه واللي نبي عجز البخت لا يجيبه

------

الشريف حمود بن زيد من أشراف الطايف

من قصيده قالها في العام 1359 هـ عندما اعتقلته الحكومه السعوديه بتهمة التآمر ثم ظهرت برائته واحسنت اليه الحكومه بعد ذلك

القيدْ أشوفـَه واسم ٍ في كراعي ياغازي افزع لو توقـّيه بهدوم

وغازي شقيقه الاصغر

--------

بديوي الوقداني من قبيله وقدان ( نخب ضواحي الطايف ) يذكر انه من خيرة من نظم الحميني توفي في العام 1296 هـ

له قصيده في حال الدنيا وتقلب الاحوال وفيها عبر ونصائح :

ايامنا والليالي كم نعاتبها شبنا وشابت وعفنا بعض الاحوالي

تاعد مواعيد والجاهل مكذبها واللي عرف حدها من همها سالي

ان اقبلت يوم ماتصفى مشاربها تقفي وتقبل ومادامت على حالي

الى ان يقول

لاخير في دنيا يشقى العزيز اِبها يمشي مع الناس في هم واذلالي

دار بها الخوف دوم مايغايبها واجوع فيها ومعها بعض الاحوال

------

شاعرة من نجد ... فقدت كل أسرتها إثر غزوه وهي طفله حيث إختبأت مع رجل وإمرأه من عبيد اسرتها , فنجت, حيث ترعرعت في كنف من كانو عبيدا لاهلها وبعد ان كبرت حدث وأن طلب منها الرجل (الذي كان ذات يوم عبدا لاسرتها) ان تنام باكرا ولاتسهر الى مابعد العشاء ... فردت قائله لة ( مالك شغل مني يافرج) فلطمها فرج وقال يالكلبه انا عمك فرج ولا اسمعك بعد اليوم تقولين لي الا (ياعمي) فجرت قريحتها بهذه القصيده:

هنيكم يااهل القلوب المريحة ماالوم عيني لو جرى دمعها دمْ

ابكي هَـلي اهل الدلال المليحه اخواني اللي اذا بغوا لازم ٍ تمْ

يالعبد هاذي من حَكايا الفضيحة خلْ السهر لي وانت يالعبد قِم نمْ

من اول ٍ نامر تجي بالذبيحه واليوم ياعصر الندم صرت لي عمْ

--------

والشاعره مويضي *** من نجد ايضا طالما كانت تتغني بقصائد غنائيه حتى اشتهر امرها ووصل للوالي ( ولاداعي لذكر اسمه ) فما كان منه الا ان أمر بجلدها في (الصفه) وعهد لأحد العبيد(واسمه سلامه) بتنفيذ الجلد على مويضي وكان هذا العبد عملاقا جلفا تلوح في عينيه صفره (كعين الذئب) تنم عن شراسته وراح يضربها بلا رحمه ولاهواده في كل انحاء جسمها(وهي متلفعه بعبائه) حيثما تقع الضربه حتى الوجه والجبين .... وكان لها (بعد الجلد) ان سمعت هديل حمامه تناجي خليلها فوق نخله فجادت قريحتها بهذه القصيده ناصحة الحمامه بعدم الجهر بالصوت لئلا يسمعها سلامه ومن خلال القصيده تدعو الشاعره مويضي , تدعو الحمامه اذا كان لزاما لهـا الغناء فعليها التوجه للفرعه ديار الوداعين - وتقصد بذلك ( وادي الدواسر ) حيث ان الوداعين اهل وادي الدواسر وبعضهم سمر البشره ودودون ذوي كرم ونخوة واباء , ستجد عندهم من ينتصر لها ويحميها

ياسِعدْ عينك بالطرب يالحمامة ياللي على خضر الجرايد تغنين

عزى لعينك وان درى بك سلامه خلاك مثلي يالحمامه تونين

كسر عظامي كسر الله عظامه شوفي مضارب شوحطه بالحجابين

جاني يقول : مروحينه عمامه الله يخرب ديرة لصفر العين

ان كان ودك بالطرب والسلامه عليك بالفرعه ديار الوداعين

تنحري ربع ٍ تفك الجهامه فكاكة القالات بالعسر واللين

دخيلهم ماحدعلى الحق ضامه لو هو ضعيف الحال ما يلحقه دين

-----

وهذا بيت شعر لانعلم صاحبه

يازين فرِّع وقِضْ الراس خلْ الازارير دلاّعي




وهذه القصيده

ياسِدرة ٍ قاعة الغـِرْمول يسقيك من مزنه ٍ هلـّت الما عقرُبيه

ياطول ماجيت سار ٍفي حراويك عجل ٍ واخاف البدر يظهر عليه

عضتني الداب وانيابَه مِشاويك واشوي والا بغت تشتد فيه

ويارجل يم الحسا وين واطيك , واطيك يم الحسا وابطا عليه

-------

وللشاعره عمشاء **** التي انقطعت عنها اخبار ابنها خالد .. لها قصيده منها هذا البيت :

ياخالد إرسل لي خطوطن سريعات ترى القلم والحبر مافيه مِنـّه

ويقال ان خالد (عندما سمع ذلك) ترك عمله في شركة الزيت العربيه الامريكيه نهائيا ليبقى بجوار والدته المسنه

-----

علاقه الباديه بألإبل علاقه حميمه حتى يقال ان للإبل احساس بالفراق . من ذلك ان ما ذكر عن شخص يقال له عيد وافق على استبدال مالديه من إبل مقابل سياره فورد ,

فرتن حمر والرفارف سود , على ان تتم المبادله في اليوم التالي . وليـلـتـئـذ لم تكف النوق عن الأنين لشعورها بقرب الفراق , وصادف ان احدى جارات عيد يقال لها فلجاء *** وهي شاعره ايضا على موعد مع فراق ابنها لدواعي البحث عن الرزق . وسمعها عيد تقول :

ونـّيـت ونـّة عشاير عـيد يـَبـْغـِنْ يـِبـَاعِـن بسياره

سمع عيد ماقالته الجاره بينما كان عائدا من صلاة الفجر ( وذلك بالصدفه فليس من عادة البدو التجسس) فقرر الغاء الصفقه وطلب من ابن الشاعره ان يعمل لديه في رعي إبله .

-------

ومن الطرائف انه كان لوالد احد السفراء الحاليين جمل عزيز على والده , واسم هذا الجمل ( عجرم ) فأنشد السفير قائلا :

ابوك يانانسي رافق ابويه غديك يانانسي عقبه ترافقين

طبعا قالها من قبيل الدعابه